عن حالة بلادي


إنطلب منّي إكتب قصيدة عن حالة بلادي
حاولت — خانتني إيدي ورجفت زيادة
يا إختي، شو بدّي إحكي وقول؟ ما الحال ليك وينها
مثل وضوح الشمس بالصيف — غبّشت عَينينا
غريب هالتوصيف — مثل التناقض، كيف بعِزّ ترم النور منْعَمًّص
مثل ما كلّ شي بيصير نَقي كالبلّور مع كاس المخمَّس
إقرأ المزيد

عصر الرئاسة

نحن لمّا نقول إننا جيل مضروب ع قلبو مش بالضرورة تنفهم انّنا ضايعين، نحن محكومين بالأمر الواقع والخيارات المتاحة – بغض النظر عن كون الخيارات المفروضة منيحة أو عاطلة. بس لمّا نوقف على محطّة القطار ونلاقي إنّو المسلكين بيوصّلوا ع نفس المكان منوقف نضحك ع حالنا وع حالتنا.
– دخلك طريق البيت من وين؟ مش بوجّك بس ليك ملّا ترين…

15036703_10153869058342443_7037736800047526190_n

لوحة بتوقيع randomiyyat

رقصة الموت

منحاول نقاوم غبرة الواقع بألوان من نسج الخيال —
منحارب لَـ ما نساوم على خسارة – لَـ ما تكون الهربية أفضل إحتمال

في أمل – شو فيها؟
الحاضر مش ختْمتها –
إذا واثق من هالنهاية — تفضّل، بتّها… نهيها!
بس ما تلوم المؤمن فيها

يلّي ما بيعرف طعم الهزيمة يعني لا ماشي بهالمدينة ولا شايف شو فيها  إقرأ المزيد

عن الهجر والسفرة

سجنك مش مكان — بل تشتّت بين الأمكنة
حزنك جزء من المشوار فإعتزلت ذرف الدموع على المدرج
حلمك أوسع من مدار الكون — وأملك تكون الأحلام ممكنة
وطنك صورة ع طبعة بجواز المرور وتصريح
المعالم واضحة وخفيفة بظلّها مثل الشمس أوّل ساعات النهار
وقرصة برد رغم الشوب بتلسع مثل الفراغ الصاخب ببطنك ولو شبعان
حولك العالم غريب — وكلّو عم يخفق عالهدا بقاعة الانتظار  إقرأ المزيد